Bugun Chempionlar ligasining 1/8 final bosqichiga qur’a tashlash marosimi bo‘lib o‘tdi.
Asosiy intriga esa, Parijning PSJ klubi pley-offda “Manchester Yunayted” bilan o‘ynaydi.
Demak, hujumchilar Krishtianu Ronaldu va Lionel Messi yana bir-biriga qarshi maydonga tushadi.
Portugaliyalik va argentinalik futbolchilar oxirgi marta 2020 yilning dekabrida maydonda to‘qnash kelishgan, o‘shanda “Yuventus” mehmonda “Barselona”ni mag‘lub etgan (3:0) – Krishtianudan dubl.
Umuman olganda, ular klub va terma jamoa miqyosida o‘zaro 36 marta o‘ynashgan. Ushbu bahslarda Messining jamoasi 16 ta, Ronaldu jamoasi esa 11 ta g‘alaba qozongan. 9 ta uchrashuv esa durang natija bilan yakunlangan. Bu o‘yinlarda Lionel 22, Krishtianu 21 gol urgan.
Parijliklar 1/8 finalning ilk o‘yinini o‘z maydonida o‘tkazadi. Dastlabki o‘yinlar 2022 yilning 15-16 va 22-23 fevral kunlariga, javob o‘yinlari 8-9 va 15-16 mart kunlari bo‘lib o‘tadi.
