Бугун Чемпионлар лигасининг 1/8 финал босқичига қуръа ташлаш маросими бўлиб ўтди.

Асосий интрига эса, Парижнинг ПСЖ клуби плей-оффда “Манчестер Юнайтед” билан ўйнайди.

Демак, ҳужумчилар Криштиану Роналду ва Лионель Месси яна бир-бирига қарши майдонга тушади.

Португалиялик ва аргентиналик футболчилар охирги марта 2020 йилнинг декабрида майдонда тўқнаш келишган, ўшанда “Ювентус” меҳмонда “Барселона”ни мағлуб этган (3:0) – Криштианудан дубл.

Умуман олганда, улар клуб ва терма жамоа миқёсида ўзаро 36 марта ўйнашган. Ушбу баҳсларда Мессининг жамоаси 16 та, Роналду жамоаси эса 11 та ғалаба қозонган. 9 та учрашув эса дуранг натижа билан якунланган. Бу ўйинларда Лионель 22, Криштиану 21 гол урган.

Парижликлар 1/8 финалнинг илк ўйинини ўз майдонида ўтказади. Дастлабки ўйинлар 2022 йилнинг 15-16 ва 22-23 февраль кунларига, жавоб ўйинлари 8-9 ва 15-16 март кунлари бўлиб ўтади.