Sankt-Peterburgning "Zenit" klubi Serdar Azmunni erkin agent sifatida qo‘yib yuborishni istamayapti. Shuning uchun, hujumchiga shartnomani uzaytirishni taklif qildi, deb yozadi jurnalist Nikolo Skira o‘z Twitter sahifasida.

Fransiyaning “Lion” klubi hujumchi bilan oktyabr oyida dastlabki muzokaralar olib borgan va unga 4 yillik shartnoma taklif qilgan. Bundan tashqari, eronlik futbolchiga Germaniyaning “Bayer” klubi ham qiziqish bildirayotgan edi.

26 yoshli futbolchi joriy mavsumda klub safida 21 ta o‘yin o‘tkazib, 10 ta gol urdi va 4 ta golli uzatmani amalga oshirdi.