Avval xabar berganimizdek, Belarus respublikasining Minsk shahrida tayekvondo ITF bo‘yicha 14-17 yoshlilar hamda faxriylar o‘rtasida Jahon chempionati o‘tkazilmoqda.

Musobaqada O‘zbekiston tayekvondo ITF assosiasiyasi raisi Laziz Hasanov boshchiligidagi O‘zbekiston sport delegasiyasi ham muvaffaqiyatli ishtirok etmoqda.

Kecha, 14 dekabr kuni Jahon chempionatining yakka va jamoaviy tul bahslari o‘tkazildi. 14-17 yoshlilar o‘rtasida o‘tkazilgan yakka tul bahslarida Vladimir Li terma jamoamiz hisobiga oltin medal taqdim etdi.

Etiborlisi, faxriylar o‘rtasida o‘tkazilgan yakka tul bahslarida ham chempion bizning vakilimiz bo‘ldi. Sportimiz fidoyisi Muzaffar Zoitov eng yaxshi deb topildi va oltin medal bilan taqdirlandi.

Shuningdek, yakka tul bahslarida sportchilarimiz 1 ta kumush va 2 ta bronza medallarini qo‘lga kiritishdi. Shu bilan birga, nufuzli musobaqaning jamoaviy tul bahslarida 14-17 yoshli tayekvondochilarimiz ham kumush medal egasiga aylanishdi.

Bugun, 15 dekabr kuni tayekvondochilarimiz yakkalik va jamoaviya massogi yo‘nalishlarida g‘oliblik uchun kurashga kirishadi.