Аввал хабар берганимиздек, Беларус республикасининг Минск шаҳрида таеквондо ITF бўйича 14-17 ёшлилар ҳамда фахрийлар ўртасида Жаҳон чемпионати ўтказилмоқда.

Мусобақада Ўзбекистон таеквондо ITF ассоциацияси раиси Лазиз Ҳасанов бошчилигидаги Ўзбекистон спорт делегацияси ҳам муваффақиятли иштирок этмоқда.

Кеча, 14 декабрь куни Жаҳон чемпионатининг якка ва жамоавий тул баҳслари ўтказилди. 14-17 ёшлилар ўртасида ўтказилган якка тул баҳсларида Владимир Ли терма жамоамиз ҳисобига олтин медаль тақдим этди.

Этиборлиси, фахрийлар ўртасида ўтказилган якка тул баҳсларида ҳам чемпион бизнинг вакилимиз бўлди. Спортимиз фидойиси Музаффар Зоитов энг яхши деб топилди ва олтин медаль билан тақдирланди.

Шунингдек, якка тул баҳсларида спортчиларимиз 1 та кумуш ва 2 та броньза медальларини қўлга киритишди. Шу билан бирга, нуфузли мусобақанинг жамоавий тул баҳсларида 14-17 ёшли таеквондочиларимиз ҳам кумуш медаль эгасига айланишди.

Бугун, 15 декабрь куни таеквондочиларимиз яккалик ва жамоавия массоги йўналишларида ғолиблик учун курашга киришади.