"Napoli" vingeri Lorenso Insinye faoliyatini MLSda davom ettirishi mumkin. Bu haqda futbolchining agenti Vinchenso Pizakane ma’lum qildi.

"Biz "Napoli" bilan shartnomani uzaytirishdan yiroqmiz. 2 fevralgacha men hech kim bilan bog‘lanmayman, undan so‘ng Lorenso bilan keyingi qadamlarimizni muhokama qilamiz. Biz “Napoli”dan munosib taklifni abadiy kuta olmaymiz.

Menimcha, "Toronto" varianti biz uchun juda real taklif. Shuncha yillardan so‘ng Italiyada boshqa klubning futbolkasini kiyish juda qiyin bo‘ladi, xorij varianti esa osonroq. Biz Del Pyero yo‘lidan borishimiz mumkin.

Biz hech qachon "Napoli"dan 7 million shartnoma bonusini so‘ramaganmiz, lekin ularning taklifi bizning kutganimizchalik bo‘lmadi. Ommaviy axborot vositalari Insinyeni yollanma askar sifatida tasvirlaydi, huddi uning uchun klub ranglari hech narsani anglatmaydigandek, ammo unday emas. Har holda, mening mijozim hech kim bilan dastlabki shartnomani imzolash niyatida emas va klubda qolish uchun qo‘lidan kelgan barcha ishni qiladi", - dedi agent.