"Наполи" вингери Лоренцо Инсинье фаолиятини МЛСда давом эттириши мумкин. Бу ҳақда футболчининг агенти Винченцо Пизакане маълум қилди.
"Биз "Наполи" билан шартномани узайтиришдан йироқмиз. 2 февралгача мен ҳеч ким билан боғланмайман, ундан сўнг Лоренцо билан кейинги қадамларимизни муҳокама қиламиз. Биз “Наполи”дан муносиб таклифни абадий кута олмаймиз.
Менимча, "Торонто" варианти биз учун жуда реал таклиф. Шунча йиллардан сўнг Италияда бошқа клубнинг футболкасини кийиш жуда қийин бўлади, хориж варианти эса осонроқ. Биз Дель Пьеро йўлидан боришимиз мумкин.
Биз ҳеч қачон "Наполи"дан 7 миллион шартнома бонусини сўрамаганмиз, лекин уларнинг таклифи бизнинг кутганимизчалик бўлмади. Оммавий ахборот воситалари Инсиньени ёлланма аскар сифатида тасвирлайди, ҳудди унинг учун клуб ранглари ҳеч нарсани англатмайдигандек, аммо ундай эмас. Ҳар ҳолда, менинг мижозим ҳеч ким билан дастлабки шартномани имзолаш ниятида эмас ва клубда қолиш учун қўлидан келган барча ишни қилади", - деди агент.
