"Barselona" hujumchisi Serxio Aguero jamoa bilan shartnomasini bekor qildi.

15 dekabr, chorshanba kuni argentinalik futbolchi sog‘lig‘i bilan bog‘liq muammolar tufayli shartnomasini yakunlaganini ma’lum qildi. Qayd etilishicha, hujumchi klub bilan 2 yillik shartnomaga ko‘ra o‘ziga tegishli bo‘lgan maoshining bir qismidan voz kechgan. Bu haqda "Diario Sport" xabar bermoqda.

33 yoshli argentinalik futbolchi klubning moliyaviy ahvoli yomonligini inobatga olib, "Barselona" bilan shartnomasining ikkinchi yilida olishi kerak bo‘lgan unga tegishli maoshdan bosh tortdi. Aguero shuningdek bu mavsumdagi maoshining ham bir qismidan voz kechdi, chunki hujumchi 2021 yilning yozida jamoaga o‘tganidan buyon ispan klubi uchun bor-yo‘g‘i beshta o‘yin o‘tkazdi.

Eslatib o‘tamiz, faoliyati davomida Serxio “Independyente”, “Atletiko Madrid” va “Manchester Siti” kabi klublarda ham o‘ynagan.