"Барселона" ҳужумчиси Серхио Агуэро жамоа билан шартномасини бекор қилди.
15 декабрь, чоршанба куни аргентиналик футболчи соғлиғи билан боғлиқ муаммолар туфайли шартномасини якунлаганини маълум қилди. Қайд этилишича, ҳужумчи клуб билан 2 йиллик шартномага кўра ўзига тегишли бўлган маошининг бир қисмидан воз кечган. Бу ҳақда "Diario Sport" хабар бермоқда.
33 ёшли аргентиналик футболчи клубнинг молиявий аҳволи ёмонлигини инобатга олиб, "Барселона" билан шартномасининг иккинчи йилида олиши керак бўлган унга тегишли маошдан бош тортди. Агуэро шунингдек бу мавсумдаги маошининг ҳам бир қисмидан воз кечди, чунки ҳужумчи 2021 йилнинг ёзида жамоага ўтганидан буён испан клуби учун бор-йўғи бешта ўйин ўтказди.
Эслатиб ўтамиз, фаолияти давомида Серхио “Индепендьенте”, “Атлетико Мадрид” ва “Манчестер Сити” каби клубларда ҳам ўйнаган.
