«PSJ» sport direktori Leonardo jamoa hujumchisi Kilian Mbappening kelajagi haqidagi savolga javob berdi.

«Mbappe haqida nima deya olaman? — Kilian ajoyib hujumchi. U o‘ziga xos uslubga ega. Biz nimani xohlayotganimizni hamma bilib turibdi. Keling, oxirigacha kuzatamiz», deydi - Leonardo.

Hozircha futbolchi va rahbariyat o‘rtasida qanday gap-so‘z o‘tayotganligi noma’lum. Leonardo rejalarni oshkor qilishni xohlamadi.

Oldinroq «PSJ» Mbappeni jamoadagi eng ko‘p maosh oluvchi futbolchiga aylantirishga tayyorligi haqida xabar berilgandi. Uning parijliklar bilan shartnomasi 2022 yilning yoziga qadar mo‘ljallangan.

Ma’lumot uchun, joriy mavsum 22 yoshli hujumchi «PSJ» safida barcha turnirlar doirasida 23 ta o‘yin o‘tkazib, 13 ta gol urdi va 12 ta golli uzatmani amalga oshirdi.