«ПСЖ» спорт директори Леонардо жамоа ҳужумчиси Килиан Мбаппенинг келажаги ҳақидаги саволга жавоб берди.

«Мбаппе ҳақида нима дея оламан? — Килиан ажойиб ҳужумчи. У ўзига хос услубга эга. Биз нимани хоҳлаётганимизни ҳамма билиб турибди. Келинг, охиригача кузатамиз», дейди - Леонардо.

Ҳозирча футболчи ва раҳбарият ўртасида қандай гап-сўз ўтаётганлиги номаълум. Леонардо режаларни ошкор қилишни хоҳламади.

Олдинроқ «ПСЖ» Мбаппени жамоадаги энг кўп маош олувчи футболчига айлантиришга тайёрлиги ҳақида хабар берилганди. Унинг парижликлар билан шартномаси 2022 йилнинг ёзига қадар мўлжалланган.

Маълумот учун, жорий мавсум 22 ёшли ҳужумчи «ПСЖ» сафида барча турнирлар доирасида 23 та ўйин ўтказиб, 13 та гол урди ва 12 та голли узатмани амалга оширди.