"Barselona" rahbariyati jamoa darvozaboni Mark-Andre ter Shtegen bilan shartnomani bekor qilmaydi. Bu haqda Sport.es xabar bermoqda.

Manba bergan xabarga ko‘ra, "ko‘k-anorranglilar" bosh murabbiyi Xavi klubda yuzaga kelgan moliyaviy qiyinchiliklarga qaramay, darvozabonga uni sotmasliklarini aytgan. Joriy mavsumda nemis futbolchi "Barselona" safida barcha turnirlarda 20 ta o‘yin o‘tkazib 6 uchrashuvda darvozasi dahlsizligini saqlab qolgan.

"Barselona" 2021 yilda Ispaniya chempionatida "Elche" va "Sevilya" bilan o‘yin o‘tkazishi kerak. 16 uchrashuvdan keyin Xavi shogirdlari 24 ochko bilan turnir jadvalida sakkizinchi o‘rinda bormoqda.