"Барселона" раҳбарияти жамоа дарвозабони Марк-Андре тер Штеген билан шартномани бекор қилмайди. Бу ҳақда Sport.es хабар бермоқда.
Манба берган хабарга кўра, "кўк-анорранглилар" бош мураббийи Хави клубда юзага келган молиявий қийинчиликларга қарамай, дарвозабонга уни сотмасликларини айтган. Жорий мавсумда немис футболчи "Барселона" сафида барча турнирларда 20 та ўйин ўтказиб 6 учрашувда дарвозаси даҳлсизлигини сақлаб қолган.
"Барселона" 2021 йилда Испания чемпионатида "Элче" ва "Севилья" билан ўйин ўтказиши керак. 16 учрашувдан кейин Хави шогирдлари 24 очко билан турнир жадвалида саккизинчи ўринда бормоқда.
