Bugun "Buxoro "professional futbol klubi anjumanlar zalida navbatdan tashqari yig‘ilishi bo‘lib o‘tdi. Unda Buxoro viloyati hokimi o‘rinbosari, viloyat Turizm va sport bosh boshqarmasi boshlig‘i Botirjon Shaxriyorov, Buxoro neftni qayta ishlash zavodi ma’sul hodimi va viloyat Turizm va sport bosh boshqarmasi boshlig‘i o‘rinbosari Ismoil Mirzayevlar ishtirok etishdi.

Yig‘ilish davomida "Buxoro" jamoasiga bosh murabbiy etib tajribali mutaxassis Fuzaylov Hakim Qayumovich tayinlandi. Murabbiylik faoliyatini aynan "Buxoro"da boshlagan Hakim Qayumovich oldiga, yangi mavsumda Superligaga chiqish vazifasi qo‘yildi. Xabaringiz bor ushbu Pro liga mavsumida "Dinamo" jamoasi Hakim Qayumovich boshchiligida Superliga yo‘llanmasini qo‘lga kiritgan edi.

Shuningdek yig‘ilishning yana bir masalalardan biri ya’ni "Buxoro" futbol klubining yangi mavsumda qanday nom ostida to‘p surishi kerakligi haqida so‘z bordi. Ushbu masalasa yuzasidan barcha yig‘ilish a’zolari fiklarini o‘rganilib, shuningdek barcha hujjatlar va davlat ro‘yxatida jamoa "Buxoro" professional futbol klubi nomi ostida qayd etilganini inobatga olib kelasi mavsumdan barcha musobaqalarda jamoa "Buxoro" nomi ostida davom ettirishi yig‘ilish bayonnomasiga kiritildi.