Germaniya Bundesligasining eng yaxshi hujumchilaridan biri Erling Xoland “Real”ga o‘tishi mumkin. Bu haqda AS nashri xabar bermoqda.
Ispaniyalik jurnalistlarning yozishicha, “qirollik klubi” yozgi transferlar vaqtida norvegiyalik hujumchini Dortmundning “Borussiya”sidan sotib olishga harakat qiladi. Shu bilan birga, agar skandinaviyalik yanvar oyida jamoani o‘zgartirmoqchi bo‘lsa, madridliklar yaqin vaqt ichida Xoland uchun taklif bilan chiqishlari mumkin.
Qayd etish joiz, “qaymoqranglilar” Erling uchun kurashda qiyinchilikka duch kelishadi, chunki unga “Manchester Siti” va «PSJ» ham davogarlik qilmoqda.
