Германия Бундеслигасининг энг яхши ҳужумчиларидан бири Эрлинг Холанд “Реал”га ўтиши мумкин. Бу ҳақда АS нашри хабар бермоқда.
Испаниялик журналистларнинг ёзишича, “қироллик клуби” ёзги трансферлар вақтида норвегиялик ҳужумчини Дортмунднинг “Боруссия”сидан сотиб олишга ҳаракат қилади. Шу билан бирга, агар скандинавиялик январь ойида жамоани ўзгартирмоқчи бўлса, мадридликлар яқин вақт ичида Холанд учун таклиф билан чиқишлари мумкин.
Қайд этиш жоиз, “қаймоқранглилар” Эрлинг учун курашда қийинчиликка дуч келишади, чунки унга “Манчестер Сити” ва «ПСЖ» ҳам давогарлик қилмоқда.
