Madridning “Atletiko” klubi hujumchi Antuan Grizmanni La Liganing 18-turi doirasida “Sevilya”ga qarshi o‘yin uchun arizasiga kiritmadi. Bu haqda “matraschilar” rasmiy sayti xabar berdi. 

Fransiyalik hujumchi o‘ng son qismidagi jarohat tufayli o‘yinni o‘tkazib yuboradi. Futbolchiga fizioterapiya kursi buyurildi.

Andalusiyaliklar va madridliklar o‘rtasidagi jang bugun, 18 dekabr kuni Sevilya shahrida bo‘lib o‘tadi. Uchrashv Toshkent vaqti bilan tungi 01:00 da boshlanadi.

Ushbu o‘yin oldidan “Sevilya” Ispaniya chempionati turnir jadvalida ikkinchi, “Atletiko” esa beshinchi o‘rinni egallab turibdi.