Мадриднинг “Атлетико” клуби ҳужумчи Антуан Гризманни Ла Лиганинг 18-тури доирасида “Севилья”га қарши ўйин учун аризасига киритмади. Бу ҳақда “матрасчилар” расмий сайти хабар берди.
Франциялик ҳужумчи ўнг сон қисмидаги жароҳат туфайли ўйинни ўтказиб юборади. Футболчига физиотерапия курси буюрилди.
Андалусияликлар ва мадридликлар ўртасидаги жанг бугун, 18 декабрь куни Севилья шаҳрида бўлиб ўтади. Учрашв Тошкент вақти билан тунги 01:00 да бошланади.
Ушбу ўйин олдидан “Севилья” Испания чемпионати турнир жадвалида иккинчи, “Атлетико” эса бешинчи ўринни эгаллаб турибди.
