Italiya A Seriyasi 18-turning qiziqarli uchrashuvlaridan biri yakunlandi. Bergamo shahrida bo‘lib o‘tgan "Atalanta" – "Roma" jamoalari o‘rtasidagi o‘yinda rimliklar yirik 4:1 hisobida zafar quchdi.
"Bo‘rilar" safida kiritilgan gollarga Abraxam (dubl), Zanyolo va Smolling mualliflik qilishdi. Mezbonlarning yagona javob to‘pi Lukas Muriel tomonidan kiritildi.
Hamyurtimiz Eldor Shomurodov o‘yinning 70-daqiqasida Nikolo Zanyolo o‘rniga zaxiradan maydonga tushdi.
Ushbu g‘alabadan so‘ng "Roma" ochkolar sonini 31 taga yetkazib oldi va turnir jadvalida 5-o‘ringa joylashdi. "Atalanta" 37 ochko bilan 3-pog‘onada.
Italiya A Seriyasi, 18-tur
"Atalanta" – "Roma" – 1:4
Gollar: Abraxam, 1 (0:1). Dzanyolo, 27 (0:2). Muriel, 45 (1:2). Smolling, 72 (1:3). Abraxam, 82 (1:4)
Atalanta: Musso, Djimsiti (Muriel, 34), Palomino, Toloy, Pessella (Mexle, 79), Froyler, de Ron, Xatebur (Dzappakosta, 79), Sapata, Pashalich (Miranchuk, 64), Ilichich (Malinovskiy, 46)
Roma: Ruy Patrisiu, Manchini, Smolling, Rodjer Ibanyes, Vinya, Dzanyolo (Eldor Shomurodov, 70), Kristante, Veretu, Karsdorp, Abraxam, Mxitaryan (Kalafyori, 89)
