Jazoirning «Napoli» klubi hujumchisi Adam Unas Italiya chempionatining 18-turidan o‘rin olgan «Milan»ga qarshi o‘yin arafasida tunab ketilgan, deya xabar beradi Football Italia.
Manbaga ko‘ra, futbolchi mashg‘ulotdan qaytish arafasida ikki noma’lum shaxs uni o‘zi yashayotgan hududda kutib turgan.
Ular jazoirlikni garajga olib kirib, pul va taqinchoqlarni, jumladan, 5 ming yevrolik tilla zanjirni o‘g‘irlashgan.
Ushbu voqeaga qaramay, Unas «Napoli»ning «Milan»ga qarshi qaydnomasiga kiritildi. Uchrashuv ertaga, 19 dekabr kuni bo‘lib o‘tadi.
Ma’lumot uchun, joriy mavsum 25 yoshli Unas «Napoli» safida barcha turnirlar doirasida 12 ta o‘yin o‘tkazib, 2 ta gol urdi. Uning klub bilan shartnomasi 2023 yilning yoziga qadar amal qiladi.
