«Sevilya» yarimhimoyachisi Ivan Rakitich Ispaniya chempionatining 18-turidan o‘rin olgan «Atletiko Madrid» ustidan qozonilgan g‘alaba (2:1) haqida fikr bildirdi.
«Mamlakat chempioniga qarshi o‘ynadik. Bu juda muhim o‘yin bo‘ldi. Muxlislar ikkinchi golni nishonlashga munosib edilar va buni uddaladik.
Qo‘llab-quvvatlaganliklari uchun barchaga minnatdorchilik bildiraman. Biz qo‘lga kiritgan barcha ochkolar muxlislarning xizmatlari tufayli.
Birinchi bo‘limni ajoyib o‘tkazdik, ammo gol o‘tkazib yubordik. Bu biroz xavotirlarni keltirib chiqardi. Chunki gol urish uchun ko‘p ish qilish kerak edi.
Lekin biz o‘zimizga ishondik va kerakli daqiqani kutdik. Biz qilayotgan ishimizdan zavqlanishda davom etamiz. Qilishimiz kerak bo‘lgan narsalar ko‘p, lekin biz to‘g‘ri yo‘ldamiz», - deydi Rakitich.
