«Manchester Siti» hujumkor yarimhimoyachisi Bernardu Silva faoliyatini «Atletiko»da davom ettirishi mumkin.

Bu haqda jurnalist Fabrisio Romano xabar beradi.

«Atletiko» yozda Saul Ngesni sotgandan so‘ng, uning o‘rniga haligacha o‘rinbosar sotib olgani yo‘q va aynan Silva ushbu futbolchi o‘rniga nomzod sifatida ko‘rilmoqda. 

Silvaga kelsak, u «Manchester Siti»ni tark etish istagini yashirib o‘tirmaydi. «Shaharliklar», shuningdek, Jek Grilishning (100 million funt) o‘ta qimmat transferidan so‘ng, maosh borasida muammoga duch kelmoqda va shu sabab qo‘shimcha pul topish uchun portugalni qo‘yib yuborishga qarshi emas.