«Манчестер Сити» ҳужумкор яримҳимоячиси Бернарду Силва фаолиятини «Атлетико»да давом эттириши мумкин.
Бу ҳақда журналист Фабрицио Романо хабар беради.
«Атлетико» ёзда Сауль Ньгесни сотгандан сўнг, унинг ўрнига ҳалигача ўринбосар сотиб олгани йўқ ва айнан Силва ушбу футболчи ўрнига номзод сифатида кўрилмоқда.
Силвага келсак, у «Манчестер Сити»ни тарк этиш истагини яшириб ўтирмайди. «Шаҳарликлар», шунингдек, Жек Грилишнинг (100 миллион фунт) ўта қиммат трансферидан сўнг, маош борасида муаммога дуч келмоқда ва шу сабаб қўшимча пул топиш учун португални қўйиб юборишга қарши эмас.
