“Real” Ispaniya chempionatining 18-turi doirasida kechgan uchrashuvda “Kadis” bilan durang o‘ynadi (0:0).
Madridliklar himoyachisi Nacho Fernandes uchun bu uchrashuv klub safidagi 250-uchrashuv bo‘ldi. Madridning “Real” klubi prezidenti Florentino Peres o‘yindan so‘ng 31 yoshli ispaniyalik futbolchiga esdalik libosini sovg‘a qildi.
Nacho "Real Madrid" tarbiyalanuvchisi hisoblanadi va 2013 yildan beri asosiy jamoada o‘ynamoqda. Madrid tarkibida u 4 marta Chempionlar ligasi va klublar o‘rtasidagi jahon chempionatida g‘olib chiqqan, ikki marta Ispaniya chempioni va bir marta mamlakat kubogi sohibi bo‘lgan.
250 ta o‘yinda himoyachi 14 ta gol urdi va 8 ta golli uzatmani amalga oshirdi. Joriy mavsumda Nacho 17 ta o‘yin o‘tkazib, 2 ta gol urgan.
