“Реал” Испания чемпионатининг 18-тури доирасида кечган учрашувда “Кадис” билан дуранг ўйнади (0:0).

Мадридликлар ҳимоячиси Начо Фернандес учун бу учрашув клуб сафидаги 250-учрашув бўлди. Мадриднинг “Реал” клуби президенти Флорентино Перес ўйиндан сўнг 31 ёшли испаниялик футболчига эсдалик либосини совға қилди.

Начо "Реал Мадрид" тарбияланувчиси ҳисобланади ва 2013 йилдан бери асосий жамоада ўйнамоқда. Мадрид таркибида у 4 марта Чемпионлар лигаси ва клублар ўртасидаги жаҳон чемпионатида ғолиб чиққан, икки марта Испания чемпиони ва бир марта мамлакат кубоги соҳиби бўлган.

250 та ўйинда ҳимоячи 14 та гол урди ва 8 та голли узатмани амалга оширди. Жорий мавсумда Начо 17 та ўйин ўтказиб, 2 та гол урган.