«Real» bosh murabbiyi Karlo Anchelotti Ispaniya chempionatining 18-turi doirasida bo‘lib o‘tgan «Kadis»ga qarshi o‘yin (0:0) borasida o‘z fikrini bildirib o‘tdi.

«Biz tempni tushirmadik, bahs oxiriga qadar harakat qildik. Maydonning so‘nggi qismida sifatli harakat yetishmadi. Ammo jamoaga zarracha e’tirozim yo‘q. Biz 3 ochkoga haqli edik, ammo aksincha ham bo‘lib turadi. Ya’ni haqli bo‘lmagan paytda g‘alaba qozonasan. Bizga bo‘sh hudud yetishmadi. Raqib bizni qanotlarga surib qo‘ydi. Markaz tomon surila olmadik. Lekin ko‘p narsalarimiz o‘xshadi, shu bois, xotirjamlikni saqlab qolishimiz zarur», – dedi Anchelotti.

«Real» navbatdagi uchrashuvni 22 dekabr kuni Bilbaoda «Atletik»ga qarshi o‘tkazadi.