"Arsenal" bosh murabbiyi Mikel Arteta qishki transferlar oynasi haqida fikr bildirdi. U o‘z intervyusida shunday deydi:
"Biz o‘zaro muzokaralar o‘tkazmoqdamiz. Klub ichida har kuni ushbu mavzuda fikr almashiladi. Bunda biz jamoani qanday kuchaytirish, nimalar qilsak jamoaga ijobiy ta’sir ko‘rsatishi haqida suhbatlashamiz. Xabaringiz bor, bizda hatto yozda ham o‘z kelajagi haqida bir qarorga kelmagan, bir nechta futbolchilar bor edi. Hozir esa bu borada biz reja tuzib chiqmoqdamiz. Hali ko‘p ishlar amalga oshirilishi lozim. Ammo ushbu oynadan ko‘p narsa kuta olmaymiz. Shunga qaramay, bu vaqt davomida sergak bo‘lib turish talab etiladi. Har qanday vaziyatga tayyor bo‘lish lozim".
Avvalroq "Arsenal" "MYU" futbolchisi Meyson Grinvud hamda "Yuve" vakillari Artur va Kulusevskiga qiziqish bildirgani haqida xabar qilingan edi.
