"Арсенал" бош мураббийи Микель Артета қишки трансферлар ойнаси ҳақида фикр билдирди. У ўз интервьюсида шундай дейди:
"Биз ўзаро музокаралар ўтказмоқдамиз. Клуб ичида ҳар куни ушбу мавзуда фикр алмашилади. Бунда биз жамоани қандай кучайтириш, нималар қилсак жамоага ижобий таъсир кўрсатиши ҳақида суҳбатлашамиз. Хабарингиз бор, бизда ҳатто ёзда ҳам ўз келажаги ҳақида бир қарорга келмаган, бир нечта футболчилар бор эди. Ҳозир эса бу борада биз режа тузиб чиқмоқдамиз. Ҳали кўп ишлар амалга оширилиши лозим. Аммо ушбу ойнадан кўп нарса кута олмаймиз. Шунга қарамай, бу вақт давомида сергак бўлиб туриш талаб этилади. Ҳар қандай вазиятга тайёр бўлиш лозим".
Аввалроқ "Арсенал" "МЮ" футболчиси Мейсон Гринвуд ҳамда "Юве" вакиллари Артур ва Кулусевскига қизиқиш билдиргани ҳақида хабар қилинган эди.
