"El Partizdo de Cope" xabariga ko‘ra, "Real Madrid" 2022 yilda yarim himoyachi Eden Azar bo‘yicha takliflarni ko‘rib chiqishga tayyor.
Ma’lumotlarga ko‘ra, 30 yoshli belgiyalik qishki transferlar vaqtida Madrid klubini tark etish niyatida emas. Klub yarim himoyachi kelajagi borasida bir qarorni yozda qabul qiladi.
Qayd etilishicha, Azarning yuqori maoshi ehtimoliy transferda muammoga aylanishi mumkin. Ma’lumot uchun, u "Real"da yiliga 13 million yevro oladi.
Joriy mavsumda Azar “Real” safida 13 ta o‘yinda maydonga tushib, 1 ta golga assistentlik qilgan.
