ESPN nashri Milliy xokkey ligasi (MXL) o‘yinchilarining yaqinlashib kelayotgan Pekin-2022 qishki Olimpiya o‘yinlaridagi ishtiroki bo‘yicha xabar chop etdi. Manbaning ta’kidlashicha, okean ortining yuqori ligasida o‘ynaydigan xokkeychilar bo‘lajak qishki Olimpiya o‘yinlarida ishtirok etmaydi.
Avvalroq ikki tashkilot o‘rtasida xokkeychilarning Pekin-2022 qishki Olimpiadasidagi ishtiroki bo‘yicha kelishuvga erishilgan edi. Bunday qarorga javob sifatida epidemiologik vaziyat keltirib o‘tilmoqda.
Ta’kidlash joiz, hozirda ko‘plab sport turlarida bo‘lgani kabi MXLda ham o‘yinchilarda aniqlanayotgan koronavirus infeksiyasi sabab bir qator uchrashuvlar bekor qilinmoqda.
Avvalroq, MXL prezidenti Lyuk Tardiff xokkeychilarning Pekin-2022 Olimpiadasida ishtirok etishlarini yoqlab chiqqan edi. Agar o‘yinchilar Xitoyga borishsa, MXLda 3 haftalik tanaffus yuzaga kelishi aytilgan. Voqealar rivojini kuzatib boramiz.
