"Arsenal" hujumchisi Pyer-Emerik Obameyang qishki transferlar vaqtida "Milan"ga o‘tishi mumkin. Bu haqda "Football Italia" xabar bermoqda.

Ma’lumotlarga ko‘ra, Italiya jamoasi rahbariyati futbolchini transfer qilish variantini ko‘rib chiqmoqda va yaqin orada hujumchi vakillari bilan muzokaralar olib borishni rejalashtirmoqda.

Obameyang intizomiy qoidabuzarliklar tufayli "Arsenal"ning so‘nggi o‘yinlarida maydonga tushmadi. Shuningdek, hujumchi klubdagi sardorlik bog‘ichidan ham mahrum qilindi.

Shuningdek, avvalroq gabonlik futbolchini "Yuventus" ijaraga olishga tayyor ekanligi xabar qilingandi.

Joriy mavsumda forvard 14 ta o‘yinda maydonga tushib, 4 ta gol urdi.