"Арсенал" ҳужумчиси Пьер-Эмерик Обамеянг қишки трансферлар вақтида "Милан"га ўтиши мумкин. Бу ҳақда "Football Italia" хабар бермоқда.

Маълумотларга кўра, Италия жамоаси раҳбарияти футболчини трансфер қилиш вариантини кўриб чиқмоқда ва яқин орада ҳужумчи вакиллари билан музокаралар олиб боришни режалаштирмоқда.

Обамеянг интизомий қоидабузарликлар туфайли "Арсенал"нинг сўнгги ўйинларида майдонга тушмади. Шунингдек, ҳужумчи клубдаги сардорлик боғичидан ҳам маҳрум қилинди.

Шунингдек, аввалроқ габонлик футболчини "Ювентус" ижарага олишга тайёр эканлиги хабар қилинганди.

Жорий мавсумда форвард 14 та ўйинда майдонга тушиб, 4 та гол урди.