"Tottenxem" ustozi Antonio Konte "Vest Xem" ustidan qozonilgan g‘alabadan keyin o‘z fikrlari bilan o‘rtoqlashdi. U shunday deydi:
"Futbolchilar ko‘rsatgan o‘yindan ko‘nglim to‘ldi. Biz taym avvalidanoq o‘yinni nazorat qilishga urindik. Gol urdik, ammo o‘tkazib ham yubordik. O‘ylashimcha, bizga bunda ozgina omad yetishmadi. Shunday keyin yana bir gol urishga erishdik va to‘pni yaxshi nazorat qildik. Ushbu o‘yinda o‘ynagan futbolchilarning ko‘pida koronavirus bor edi.
Bu esa o‘yinimizning darajasini tushishiga olib keldi. Qolaversa, men aynan mana shu tufayli ham ko‘plab o‘zgartirishlar qilishga majbur bo‘ldim. Bugungi o‘yinda ijobiy jihatlarga guvohi bo‘ldim. Yarim finalda "Chelsi" bilan to‘qnashamiz. O‘ylaymanki, bu juda ham qiziq bo‘ladi. Men "Chelsi"da yaxshi davr o‘tkazganman. Ammo hozir "Tottenxem"daman va shu jamoa rivoji uchun harakat qilaman".
Eslatib o‘tamiz, liga kubogining yarim finallari 4 hamda 11 yanvar kunlari bo‘lib o‘tadi.
