"Тоттенхэм" устози Антонио Конте  "Вест Хэм" устидан қозонилган ғалабадан кейин ўз фикрлари билан ўртоқлашди. У шундай дейди:

"Футболчилар кўрсатган ўйиндан кўнглим тўлди. Биз тайм аввалиданоқ ўйинни назорат қилишга уриндик. Гол урдик, аммо ўтказиб ҳам юбордик. Ўйлашимча, бизга бунда озгина омад етишмади. Шундай кейин яна бир гол уришга эришдик ва тўпни яхши назорат қилдик. Ушбу ўйинда ўйнаган футболчиларнинг кўпида коронавирус бор эди.

Бу эса ўйинимизнинг даражасини тушишига олиб келди. Қолаверса, мен айнан мана шу туфайли ҳам кўплаб ўзгартиришлар қилишга мажбур бўлдим. Бугунги ўйинда ижобий жиҳатларга гувоҳи бўлдим. Ярим финалда "Челси" билан тўқнашамиз. Ўйлайманки, бу жуда ҳам қизиқ бўлади. Мен "Челси"да яхши давр ўтказганман. Аммо ҳозир "Тоттенхэм"даман ва шу жамоа ривожи учун ҳаракат қиламан".

Эслатиб ўтамиз, лига кубогининг ярим финаллари 4 ҳамда 11 январь кунлари бўлиб ўтади.