BAA chempionatida to‘p surayotgan o‘zbekistonlik futbolchilar Otabek Shukurov va Azizbek G‘aniyev o‘smirlar terma jamoamizning bugungi o‘yiniga tashrif buyurishdi. Uchrashuvdan so‘ng tajribali futbolchilarimiz o‘smirlarimiz bilan suhbatlashib, ularni g‘alaba bilan qutladilar.
Shuningdek, ularga hozirdan bor e’tiborlarini o‘z ustida ishlashga qaratish kerakligi, mashg‘ulotlarda tirishqoqlik va shijoat bilan harakat qilish lozimligini aytdilar. Hozir kelajak uchun mustahkam poydevor qurib oladigan payt ekanligini ta’kidlab, ularga o‘z maslahat va tavsiyalarini berdilar.
