Italiya terma jamoasi bosh murabbiyi Roberto Manchini milliy terma jamoa Qatarda bo‘lib o‘tadigan jahon chempionatiga pley-off o‘yinlari orqali yo‘l olishi kerak bo‘lgan jarayonga izoh berdi.
“Men optimistman, chunki Shveytsariya bilan guruhimiz qiyin bo‘lishini bilardim. Biz Bazeldagi o‘yinda ustunlik qildik, ammo bu futbol, baxtimizga bizda yana bir imkoniyat bor va Qatarga borish uchun qo‘limizdan kelganini qilishimiz kerak», - deya iqtibos keltiradi Manchini so‘zlaridan Sky Sports nashri.
Italiya terma jamoasi 2022 yilda Qatarda bo‘lib o‘tadigan jahon chempionati uchun pley-off o‘yinlarining yarim finalida Makedoniya terma jamoasi bilan o‘ynaydi. Uchrashuv 24 mart kuni bo‘lib o‘tadi. O‘yin g‘olibi Turkiya - Portugaliya juftligi g‘olibi bilan to‘qnash keladi. Bu o‘yinda turnirga yo‘l oladigan jamoa aniqlanadi.
