Angliya terma jamoasining sobiq hujumchisi Denni Millz "Liverpul" futbolchisi haqida fikr bildirdi. U himoyachi Nat Fillips transferi borasida shunday deydi:
"Menimcha, uning maydonga tushish ehtimoli juda ham past. Shubhasiz, istalgan futbolchi bunday paytda ketishni istaydi. Shu sabab Fillips jamoani tark etishi kerak. U o‘zini kerakli deb bilgan klubga o‘tishi lozim. Bu futbolchi karyerasi uchun ham foydali bo‘ladi".
Fillips bu mavsumda faqat bir marta, "Milan"ga qarshi bahsda maydonga tushirilgan, xolos. O‘tgan mavsumda esa farqli ravishda 20ta o‘yinda maydonda harakat qilgan. "Liverpul" o‘z futbolchisini 15 million funtga baholamoqda.
