“Fiorentina” hujumchisi Dushan Vlaxovichning potensial xaridorlari doirasi asta-sekin torayib bormoqda. Italiya matbuoti futbolchi uchun kurashda bor-yo‘g‘i to‘rtta klub qolgani haqidagi ma’lumotlarni tarqatdi. 

“Il Messaggero” nashri xabariga ko‘ra, “Arsenal”, “Tottenxem”, “Manchester Siti” va “Atletiko” hali ham serb futbolchsini qo‘lga kiritish imkoniyatiga ega. Birgina mana shu jamoalar “binafsharanglilar”ga talab qilinadigan 80 million yevroni to‘lashga tayyor.

Shunday qilib, “Yuventus” Vlahovich bilan shartnoma imzolash g‘oyasidan qaytishga majbur bo‘ldi. Manbaning xabar berishicha, klubda hozircha bunday pul yo‘q. Endi turinliklar boshqa nomzodlarga, xususan, Mauro Ikardi va Edinson Kavanini qo‘lga kiritishga harakat qilib ko‘radi.