“Фиорентина” ҳужумчиси Душан Влаховичнинг потенциал харидорлари доираси аста-секин торайиб бормоқда. Италия матбуоти футболчи учун курашда бор-йўғи тўртта клуб қолгани ҳақидаги маълумотларни тарқатди. 

“Il Messaggero” нашри хабарига кўра, “Арсенал”, “Тоттенхэм”, “Манчестер Сити” ва “Атлетико” ҳали ҳам серб футболчсини қўлга киритиш имкониятига эга. Биргина мана шу жамоалар “бинафшаранглилар”га талаб қилинадиган 80 миллион еврони тўлашга тайёр.

Шундай қилиб, “Ювентус” Влаҳович билан шартнома имзолаш ғоясидан қайтишга мажбур бўлди. Манбанинг хабар беришича, клубда ҳозирча бундай пул йўқ. Энди туринликлар бошқа номзодларга, хусусан, Мауро Икарди ва Эдинсон Каванини қўлга киритишга ҳаракат қилиб кўради.