“Qo‘qon-1912” jamoasi kelajakda o‘zbek futbolining yorqin yulduziga aylanishi kutilayotgan yosh iqtidor egasi bilan shartnoma imzoladi.

Komilov Murodjon 2005 yilda tug‘ilgan , Farg‘ona futbol maktabi tarbiyalanuvchi bo‘lib, so‘nggi ikki yilda Chig‘atoy futbol maktabida futbol sir-asrorlarni o‘rganib kelayotgan edi. Murodjon 2005 yilda tug‘ilgan futbolchilar o‘rtasida so‘nggi yillarda  o‘tkazilgan respublika birinchiliklarining eng yaxshi hujumchisi bo‘lib kelmoqda. O‘zining yorqin o‘yinlari bilan mutaxassislar e’tiboriga tushgan yosh hujumchi O‘zbekiston U15 terma jamoasi a’zosi hisoblanadi. Mamlakatimizning yetakchi jamoalari yosh iqtidor egasini o‘z safida ko‘rishni hohlashgan edi. Respublikamizning ko‘zga ko‘ringan futbol mutaxassislari Murodjon Komilovga O‘zbekistonning kelajakdagi “Messi”si deb baho berishmoqda.  “Qo‘qon-1912” jamoasi Murodjon Komilov bilan 2026-yilga qadar shartnoma imzoladi. Aziz muxlislarimizdan  Murodjon Komilov ismini eslab qolishlarini so‘raymiz. Kelajakda bu futbolchidan umidlarimiz katta. Murodjonga jamoamizdagi professional faoliyatida omad yor bo‘lishini tilab qolamiz !