«Manchester Yunayted»ning fransiyalik hujumchisi Antoni Marsyal yaqin vaqt ichida klubini o‘zgartirishi mumkin.

Estadio Deportivo xabariga ko‘ra, Xulen Lopetegi uchun ustuvor vazifa fransuzni qo‘lga kiritish hisoblanadi.

Manbaga ko‘ra, «Yunayted» futbolchini ijaraga olishga tayyor. Antonining o‘zi, avvalroq xuddi OAV yozganidek, «Sevilya»ga o‘tishni xohlashini aytgan edi.

Uning joriy klubi bilan kelishuviga to‘sqinlik qilayotgan asosiy muammo fransiyalik futbolchining maoshi bo‘lishi mumkin – yiliga 8 million yevro.

«Sevilya» «Yunayted» bilan maosh borasida kelishib olishi kerak.