"Liverpul"ning sobiq futbolchisi Stiven Uornok Muhammad Saloh haqida fikr bildirdi. U o‘z intervyusida shunday deydi:
"Klub nuqtayi nazaridan olib qaraganimizda ham, futbolchi uchun ham, umuman hamma uchun Salohning jamoada qolishi juda muhim omil. Ko‘rinib turibdi, muxlislar "Enfild"ga aynan uning o‘yinini ko‘rish uchun ham tashrif buyurmoqda. Salohning futbolkalar dunyo bo‘ylab millionlab nusxada sotiladi. U bugun global ravishda "Liverpul"ning ramziga aylanib ulgurdi. "Liverpul" rahbariyati ham buni yaxshi bilib turibdi. Shunday ekan, Muhammadning yangi bitimga imzo chekishida qandaydir muammo bo‘ladi deb o‘ylamayman".
Muhammad Saloh bu mavsumda 24ta bahsda maydonga tushib, 22ta gol urishga muvaffaq bo‘lgan.
