"Ливерпуль"нинг собиқ футболчиси Стивен Уорнок Муҳаммад Салоҳ ҳақида фикр билдирди. У ўз интервьюсида шундай дейди:
"Клуб нуқтайи назаридан олиб қараганимизда ҳам, футболчи учун ҳам, умуман ҳамма учун Салоҳнинг жамоада қолиши жуда муҳим омил. Кўриниб турибди, мухлислар "Энфилд"га айнан унинг ўйинини кўриш учун ҳам ташриф буюрмоқда. Салоҳнинг футболкалар дунё бўйлаб миллионлаб нусхада сотилади. У бугун глобал равишда "Ливерпуль"нинг рамзига айланиб улгурди. "Ливерпуль" раҳбарияти ҳам буни яхши билиб турибди. Шундай экан, Муҳаммаднинг янги битимга имзо чекишида қандайдир муаммо бўлади деб ўйламайман".
Муҳаммад Салоҳ бу мавсумда 24та баҳсда майдонга тушиб, 22та гол уришга муваффақ бўлган.