"Tottenxem" ustozi Antonio Konte jamoaning qishki transferlar rejasi haqida fikr bildirdi. U shunday deydi:

"Ochig‘i, hozir bu savolga javob bera olamayman. Hozirda mening e’tiborim tarkib futbolchilari bilan band. Albatta, biz hali klub bilan bu haqida ham gaplashamiz. Transferlar borasida qilinishi kerak bo‘lgan ishlar bor. Ammo hozir maydondagi harakatimiz haqida ko‘proq o‘ylashimiz kerak. Chunki oldimizda ko‘plab bahslar kutib turibdi. Imkon bo‘lishi bilan o‘z rejalarimizni amalga oshirishga harakat qilamiz".

Eslatib o‘tamiz, kecha "shporlar" mehmonda "Sautgempton" bilan 1-1 hisobida durangga imzo chekkan edi.