Madridning “Real” klubi yozda Dortmundning “Borussiya” klubi hujumchisi Erling Xolandni sotib olishni rejalashtirmoqda.
Madrid klubi norvegiyalik uchun kurashda yetakchilik qilmoqda, garchi futbolchi va uning maslahatchilari tushgan barcha takliflarni ko‘rib chiqishasada, deb yozadi ESPN o‘z manbalariga tayanib.
"Barselona" prezidenti Joan Laporta Xoland uchun kurashishga qaror qilgan bo‘lsa-da, kataloniyaliklar uchun kelishuv deyarli imkonsiz bo‘lib qolmoqda, chunki klub jiddiy moliyaviy muammolarga duch kelmoqda. Endi Barsa dunyoning eng boy klublari bilan raqobat qilishga tayyor emas.
"Manchester Siti"da Xoland uchun kurashda yana bir yetakchi. Klubning barqaror moliyaviy holati va Pep Gvardiola boshchiligidagi jamoaning muvaffaqiyatli natijalari bunga sabab.
Uzoq vaqt davomida "Manchester Yunayted" Erlingga qiziqish bildirmoqda, biroq kelasi mavsum uchun murabbiy borasidagi noaniqlik, shuningdek, joriy mavsumda Premyer liganing kuchli 4ligiga kira olmasligi mumkin bo‘lganligi kelishuvga putur etkazishi turgan gap.
Agar Kilian Mbappe shartnomani uzaytirmasligini aniq aytsa, PSJ Xoland bilan shartnoma imzolashga harakat qiladi. Ammo norvegiyalik uchun asosiy kurash "Real" va "Man Siti" o‘rtasida kechadi.
21 yoshli futbolchi joriy mavsum Bundesligada 16 ta o‘yin o‘tkazib, 19 ta gol urdi va 4 ta golga assistentlik qildi.
