Italiyaning «Fiorentina» klubi hujumchisi Dushan Vlaxovich kelajagi borasida fikr bildirdi.

– «Fiorentina» bilan yangi shartnoma borasida muzokara olib borishga imkoniyat bormi?

– Hozir bor e’tiborimni yangi maqsadlarga qaratganman, lekin hech qachon - hech qachon demaslik kerak. Men bunday savollarga bir necha marta javob qaytardim. «Fiorentina»da juda ajoyib tarix yozilgan. Bizda ajoyib jamoa bor, yaxshi futbolchilar bor, ajoyib tarzda qo‘llab-quvvatlaydigan muxlislar bor. Bularning barchasi hurmatga sazovor. Kelajakda nima bo‘lishini Yaratgan biladi.

Mening yagona maqsadim - «Fiorentina»ni yevrokuboklarga olib chiqish, chunki, biz anchadan beri yevroarenalarda o‘ynamadik. Keyin nima ro‘y berishini bilmayman.

«Fiorentina» – Italiyaning kichkina klubi emas, o‘z an’analari bor ajoyib jamoa. Kommisso – har bir vaziyatni bilib turadigan ajoyib prezident, – dedi Vlaxovich.