Qo‘qon futboli tarbiyalanuvchisi bo‘lgan  Muhammadanas Xasanov jamoa bilan shartnomasi yakuniga yetganligi sababli, o‘zini boshqa klubda sinab ko‘rishni ixtiyor qildi.

Ta’kidlash lozimki jamoamiz rahbariyati hamda murabbiylar shtabi futbolchini jamoamizda olib kolish uchun barcha harakatlarni amalga oshirishdi. Iqtidorli yarim himoyachimizga Toshkentning "Lokomotiv" klubidan ham tomonlama manfaatli taklif bo‘ldi. Muhammadanas yangi futbol mavsumini  "temiryo‘lchilar"  safida boshlashga qaror qildi. Muhammadanas Xasanov 2015 yildan buyon jamoamizning o‘rinbosarlar va asosiy tarkibida ko‘plab yaxshi o‘yinlarni o‘tkazdi. O‘rinbosarlar tarkibida Muhsin Nizomiddinov qo‘l ostida O‘zbekiston birinchiligining bronza medallarini qo‘lga kiritgan. Jamoamizda ishlagan ko‘plab murabbiylar bilan birga ishlagan Xasanov , o‘tgan mavsum Ashurmatov murabbiyligida o‘zining eng yorqin mavsumini o‘tkazdi.  1996 yilda tug‘ilgan futbolchi o‘tgan mavsum jamoamiz safida  26 uchrashuvda maydonga tushib, raqiblar darvozasini 5 marta ishg‘ol qildi hamda 3 ta golli pasni amalga oshirdi.  

"Qo‘qon-1912" jamoasi Muhammadanas Xasanovning kelgusi faoliyatida ulkan zafarlar tilaydi