2015 yilda adidas Leo Messidan dunyoning eng istiqbolli o‘n nafar futbolchisini tanlashni so‘radi. Bu yigitlar hozir qayerda o‘ynashayotganini va argentinalik futbolchining bashorati qanchalik to‘g‘ri ekanini tekshirish vaqti keldi.
Akkursio Bentivenya, 25 yosh
2015 yilda u "Palermo"da o‘ynayotganida kelajagi porloq futbolchi sifatida qaralgan edi. Ammo yakunda u jamoa uchun bor-yo‘g‘i 7 ta o‘yin o‘tkazdi, keyin esa ijaraga sayohatga chiqdi. U umidlarni oqlaganicha yo’q, u hozirda C Seriyada “Yuve Stabiya” jamoasida hujumchi sifatida o‘ynamoqda. Bizningcha u umuman boshqa “Yuve”da o‘ynashni orzu qilgan.
Jeremi Boga, 25 yoshda
"Chelsi" a’zosi va sport saytlaridagi eng kulgili sarlavhalarning bosh qahramoni. U Londonda qolmadi, lekin "Sassuolo"da o‘zini a’lo darajada ko‘rsatdi va hozir "Atalanta"ga o‘tmoqda. Gasperini uni super yulduzga aylantirishiga ishonamiz.
Maksvell Korne, 25 yosh
Bashoratdan so‘ng u "Lion"ning asosiy o‘yinchisiga aylandi, u yerda olti yil o‘ynadi va keyin Kot-d’Ivuar terma jamoasiga chaqirildi. (garchi u Fransiyada yoshlar jamoasida o‘ynagan bo‘lsa ham). U o‘tgan yozda "Byornli"ga 15 million yevro evaziga keldi.
Kenedi, 25 yoshda
2015 yildan beri u "Chelsi"ga tegishli, hatto jamoada biroz o‘ynagan (va 2016/17 yilgi mavsumda Premer-ligada g‘olib chiqqan), lekin asosan ijara asosida yuradigan futbolchi hozir vatani Braziliyada "Flamengo" sharafini himoya qilmoqda.
Roni Lopesh, 26 yosh
Portugaliyalik yarim himoyachi ham Kenediga o‘xshab hech qayerda o‘z o‘rnini topa olmadi. U ko‘plab klublarda o‘ynadi, hozirda "Sevilya"ga tegishli futbolchi "Olimpiakos"da o‘ynamoqda. 2018 yilda u Rossiyada bo‘lib o‘tadigan Jahon chempionati uchun Portugaliya terma jamoasining kengaytirilgan ro‘yxatiga kiritildi, ammo yakunda u turnirga olib ketilmadi.
Aleksey Miranchuk, 26 yosh
Bu yerda hamma narsa ma’lum. 2020 yilda u o‘zini Yevropada sinab ko‘rishga qaror qilgan Miranchuk va “Atalanta”ga yo‘l oldi va endi u Genuyaga ko‘chib o‘tishga tayyorlanayotganga o‘xshaydi.
Kayri Shelton, 28 yosh
Hujumchi MLSda “Nyu-York Siti” uchun yorqin o‘yinlar ko‘rsatdi, Yevropaga qilgan sayohati muvaffaqiyasiz chiqdi va AQSHga qaytdi. 28 yoshida u yangi darajaga chiqishi dargumon, shuning uchun bu yerda Messi aniq taxmin qilmadi.
Jeyms Uilson, 26 yosh
“Manchester Yunayted” muxlislari uning 2014 yilgi debyutidagi dublini albatta eslab qolishgan. Uilson uzoq vaqtdan beri klubning umidi hisoblanardi, ammo afsuski, u yuqori saviyada o‘ynay olmadi. Hozir u quyi ligadagi "Port-Veyl"da o‘ynamoqda.
Timo Verner, 25 yosh
Leo ro‘yxatidagi eng yulduz futbolchi. U asosiy o‘yinchi sifatida "Chelsi"ga Chempionlar ligasida g‘alaba qozonishiga yordam berdi, ammo uning ingliz klubidagi faoliyati notekis kechmoqda.
Gyasi Zardes, 30 yosh
U MLSning mahalliy yulduziga aylandi va AQSH terma jamoasiga yo‘l oldi, ammo uni mamlakat tashqarisida juda kam odam taniydi. Albatta, bu muvaffaqiyasizlik emas, lekin Messi undan ko‘progini kutgani aniq.
Ruslan Maksimov tayyorladi.
