Yarimhimoyachi Kristian Eriksen so‘nggi Yevropa chempionatida yuz bergan dahshatli voqeadan to‘liq forig‘ bo‘ldi. Futbolchi reglamentda kadiostimulyator bilan o‘ynash taqiqlanmagan mamlakatlarda faoliyatini davom ettirish imkoniyatlarini qidirmoqda.
Bundan tashqari, Eriksen yana bir bor o‘z mamlakatining sharafini xalqaro maydonda himoya qilish imkoniyatiga ega bo‘lib, eng yuqori darajaga qaytish umididan voz kechmaydi. Bu haqda u “DR Sporten” nashriga bergan intervyusida aytib o‘tdi.
“Ayni damdagi asosiy maqsadim? Qatardagi jahon chempionatiga bormoqchiman. Umid qilamanki, hammasi men o‘ylagandek bo‘ladi. Qolganini esa murabbiylar hal qiladi. Menda qo‘rquv yo‘q. Umuman olganda, yana ushbu holatga tushish ehtimoli meni cho‘chitmaydi”, dedi daniyalik futbolchi.
