Яримҳимоячи Кристиан Эриксен сўнгги Европа чемпионатида юз берган даҳшатли воқеадан тўлиқ фориғ бўлди. Футболчи регламентда кадиостимулятор билан ўйнаш тақиқланмаган мамлакатларда фаолиятини давом эттириш имкониятларини қидирмоқда.

Бундан ташқари, Эриксен яна бир бор ўз мамлакатининг шарафини халқаро майдонда ҳимоя қилиш имкониятига эга бўлиб, энг юқори даражага қайтиш умидидан воз кечмайди. Бу ҳақда у “DR Sporten” нашрига берган интервьюсида айтиб ўтди.

“Айни дамдаги асосий мақсадим? Қатардаги жаҳон чемпионатига бормоқчиман. Умид қиламанки, ҳаммаси мен ўйлагандек бўлади. Қолганини эса мураббийлар ҳал қилади. Менда қўрқув йўқ. Умуман олганда, яна ушбу ҳолатга тушиш эҳтимоли мени чўчитмайди”, деди даниялик футболчи.